Gjykata e Lartë nuk pranon rekursin, mbetet në fuqi vendimi i Apelit për Luan Dacin

Gjykata e Larte vendosi këtë të Martë mospranimin e rekursit të anëtarit të Kolegjit të Posaçëm te Apelimit, Luan Daci.

Kështu, mbetet në fuqi dënimi i tij për falsifikim dokumentash, i dhënë më parë nga Gjykata e Apelit Kundër Krimit të Organizuar dhe Korrupsionit.

Daci u dënua me një vit burgim, i konvertuar në shërbim prove, pasi rezultoi se kishte falsifikuar dokumentat, me te cilat aplikoi për një pozicion në strukturat e Vetingut.

LEXO EDHE  Tritoli në banesën e Presidentit të FSHF/ Duka: Mund të mos e ketë urdhëruar Veliaj, por i kanë dalë gangsterët nga duart

Pasi Luan Daci u mor i pandehur nga SPAK, KPA e pezulloi atë nga detyra në muajin korrik 2020.

Vetë gjyqtari Luan Daci ka hedhur poshtë akuzat dhe ka thënë se nuk ka falsifikuar asnjë dokument në jetën e tij.