Ish-Kryeministri Sali Berisha u shpreh sot se George Soros qëndron pas vendimit të Sekretarit amerikan të Shtetit, Antony Blinken, për ta shpallur “non grata”.
Berisha tha se padia e tij u pranua nga Gjykata e Parisit, ndërsa i bëri thirrje Sekretarit amerikan të Shtetit dhe Ambasadores amerikane në Tiranë, Yuri Kim, që të çojnë në Gjykatë çdo provë që kanë kundër tij.
“Ishte një vendim i marrë nga Soros, pasi unë kundërshtova planet e tij për kufirin e Kosovës. Kam kërkuar shpalljen “non grata” të Sorosit, por çfarë ndodhi? Më shpallin mua non grata, 8 vite pasi kam ikur nga pushteti. Unë rrugën time për të mbrojtur dinjitetin e kam zgjedhur, përballjen në Gjykatë”, tha Berisha.
Një mesazh, ish-Kryeministri e kishte edhe për Lulzim Bashën, që e cilvsoi një ish-kryetar apo peng kryetar.
“Iu bashkua edhe ai këtyre në vendimin e marrë. E keni parë ju peng Kryetarin të fliste për çështjen e kufirit mes Kosovës dhe Serbisë, apo pvr mini-schengenin apo Open Balkan? Ai foli vetëm pasi demokratët ngritën zërin në foltore”, tha Berisha.
