Tirana e ka mbyllur në avantazh pjesën e parë ndaj Partizanit, në derbin e vlefshëm për javën e 6-të të Superiores.
Në fraksionin e parë të lojës, bardheblutë janë shfaqur disi më kërcënues në portën kundërshtare ndërsa momenti vendimtar erdhi në fundin e pjesës së parë ku gjetën golin me anë të Limajt. Mesfushori realizon me anë të një 11-metërshi të cilin e vendos VAR.
Belica kishte ndërhyrë ndaj Tolit në zonë por pamjet u shikuan vetëm pasi kishte marrë fund situata me përplasjen e lojtarëve.
Në minutat e para, Partizani mundohet të ndërtojë lojën e tij me sulme nga krahët, sidomos me shpërthimet e Markut në të djathtë por me vazhdimin e lojës bardheblutë marin kontrollin e lojës të cilin e konkretizuan me gol në limitin e 45 minutave të para.
