Partia Demokratike do të depozitojë nesër në Kuvend paketën e propozimeve që ka të bëjë me uljen e TVSH nga 20 në 6 %.
Vendimi është marrë në mbledhjen e Grupit Parlamentar demokrat, ku drafti i hartuar nga ekspertët e PD do të depozitohet para nisjes së seancës parlamentare.
Në fillim të muajit tetor, PD paralajmëroi se do të propozonte uljen e TVSH për produktet e shportës nga 20 në 6 %, si një masë për të parandaluar rritjen e çmimeve. Reagimi nga PD erdhi pas paralajmërimit të Kryeministrit Edi Rama lidhur me rritjen e çmimeve, ndërsa produkti i parë që u rrit në treg 10 apo 20 lekë ishte buka.
