Një nga trajnerët më të mëdhenj në historinë e futbollit foli për La Gazzetta dello Sport. Intervista e tij u shfaq sot në faqen e internetit të gazetës së rëndësishme italiane.
Ish-trajneri, protagonist i historisë së kuqezinjve, Arrigo Sacchi, foli për aspekte të ndryshme në lidhje me Milanin: Kessie, Maldini por mbi të gjitha Stefano Pioli, i vlerësuar në mënyrë të veçantë. Fjalët e tij janë gjithmonë të këndshme, veçanërisht kur bëhet fjalë për “Djallin”…
Padyshim që po flasim për Arrigo Sacchi-n.
Ja intervista e tij e plotë për GdS: “Është e vështirë të kesh një kampionat të mirë me kaq shumë lojtarë të rinj në skuadër. Gjithmonë duhet të luash si ekip sepse këta djem nuk kanë shumë përvojë. Prandaj Pioli po bën një kryevepër të vërtetë në krye të Milanit”.
Sacchi vazhdon: “Nëse një i huaj do të shihte skuadrën e Milanit dhe sa shpenzuan, ai do të mendonte se eshte një ekip i vendit të katërt ose të pestë, dhe në vend të kësaj ata janë të parët.
Ata janë të vetëdijshëm se çdo lojë duhet luajtur si finale dhe gjithmonë me forcën e kolektivit, asnjëherë të individit.
Kessie? Është një problem që ai nuk dëshiron të nënshkruajë. Punë e shkëlqyer nga Pioli dhe Maldini, të cilët e nisën duke blerë lojtarë të panjohur që po bëjnë shumë mirë. Ata nuk janë të përsosur, por ky nuk është problem: askush nuk do të arrijë kurrë përsosmërinë”.
