Xhelal Mziu, depuuteti i PD në Qarkun e Dibrës, është një nga ligjvënësit që nuk iu bashkua Foltores së ish-Kryeministrit Sali Berisha, në këtë qark.
Duket se nga ky moment, anëtarë të PD-së që janë rrjeshtuar në krah të Berishës, duket se nuk e kalojnë dot faktin se Mziu nuk ishte i pranishëm në Foltore, si deputet i Dibrës dhe si drejtues politik në këtë qark.
Njëri nga komentuesit, nuk ka nguruar ta quajë Mziun “letër higjenike”, gjë që ka sjellë reagimin e deputetit, i cili thotë se ka dhënë prova se sa e do Berishën.
“Unë i konsumuar? Po ti nuk di qëndrimin tim ndaj Berishës! Unë kam dhënë prova se sa e dua Sali Berishën dhe e dua! Ju që shkruani e doni relativisht. Berisha i di më mirë se sa ju gjërat. Letër higjienike bëhen frikacakët unë kam dhënë prova” shkruan Mziu.
