VIDEO/ Nuk ndalen lojtarët kuqezi në Europë, Ernest Muçi realizon një supergol në Poloni

Kjo është padyshim java e golave shqiptarë, të atyre që pritet për shumë vite të jenë protagonuistë në radhët e kuqezinjve. Pas Kolajt, Brojës dhe Vrionit, sot ka ardhur edhe goli  Ernest Muçit në kampionatin polak.

Sulmuesi i talentuar ishte titullar në sfidën e Legia Varshavës ndaj Piast Gilvice dhe tregoi vlerat e tij në minutën e 20 të ndeshjes me një gol që ktheu në lojë ekipin e tij. Në rezultatin 2-0 për skuadrën e Piast, Muçi mori një top në të majtën dhe pas një sprinti në zonë, lëshoi një goditje diagonale të pakapshme për portierin kundërshtar duke dërguar sferën në rrjetë.

LEXO EDHE  Vllaznia-Partizani/ Kuqeblutë mbeten me 10-të lojtarë, Krymi ndal në mënyrë të parregullt Carën

Ky ishte goli i 3-të në këtë kampionat për Muçin, i cili ka filluar të aktivizohet rregullisht me Legian në kampionat dhe në kompeticionet ndërkombëtare.