Ky është shteti i parë evropian që legalizon rritjen e kanabi*it në shtëpi

Të rriturit në Luksemburg do të lejohen të kultivojnë deri në katër bimë kanabisi në shtëpitë ose kopshtet e tyre sipas ligjeve.

Kjo e bën Luksemburgun vendin e parë në Evropë që legalizon prodhimin dhe konsumimin e drogës.

Njoftimi i të premtes (22 tetor) nga qeveria e Luksemburgut u tha se do të sjellë ndryshime thelbësore në qasjen e vendit ndaj përdorimit dhe kultivimit të kanabisit.

Sipas legjislacionit, njerëzit e moshës 18 vjeç e lart do të jenë në gjendje të rritin ligjërisht deri në katër bimë kanabisi  për përdorim personal.

Me këtë vendim qeveria  po mendon të lejojë edhe tregtimin e farave të kanabisit në dyqane, blerjen e tyre në internet dhe importimin nga jashtë.

LEXO EDHE  CDC vendos 5 destinacione europiane në nivelin më të lartë të rrezikut nga Covid

Ministri i Drejtësisë Sam Tamson e përshkroi ndryshimin në ligj për prodhimin dhe konsumin vendas si hapin e parë.

“Ne menduam se duhej të vepronim, kemi një problem me drogën dhe kanabisi është droga që përdoret më shumë dhe është një pjesë e madhe e tregut ilegal,” tha ai.

“Ne duam të fillojmë duke i lejuar njerëzit ta rritin atë në shtëpi. Ideja është që një konsumator të mos e konsumojë në mënyrë të paligjshme. Ne duam të bëjmë gjithçka që mundemi për t’u larguar gjithnjë e më shumë nga tregu i zi ilegal. ”