Aksidentohet aktori i njohur, anulohet shfaqja në teatër

Aktori i njohur, Lulzim Zeqja, mësohet të jetë aksidentuar ditën e sotme, duke bërë që të anulohet shfaqja “Edmond” në teatër, ku aktori ishte protagonist.

Lajmi bëhet me dije përmes një njoftimi në faqen zyrtare të teatrit, ku njoftohet se aktori është përfshirë në një aksident automobolistik dhe fatmirësisht është në gjendje të mirë shëndetësore, por që e ka të pamundur të jetë në skenë.

Njoftimi i Teatrit:

Të dashur miq të teatrit,

Për shkak të një aksident automobilistik, i cili ka përfshirë aktorin e teatrit kombëtar z.Lulzim Zeqja njëkohësisht dhe protagonistin e shfaqjes “Edmond”, ju njoftojmë se shfaqjet e ditës së sotme dhe datave 23-24-28-29-30-31 tetor 2021, janë anuluar.
Fatmirësisht, z. Zeqja është në gjendje të mirë shëndetësore, por e ka të pamundur të performojë në shfaqjen “Edmond” në vazhdim.
Duke ju kërkuar ndjesë e duke ju falenderuar për mirëkuptimin, teatri kombëtar do t’ju njoftojë në vazhdim se si do të proçedohet me rimbursimin e biletave.

LEXO EDHE  Vreto: 81% e delegatëve të Librazhdit kanë firmosur për Kuvendin e PD të 18 dhjetorit