Saimir Koreshi, deputeti demokrat i Qarkut të Fierit, tërheq vëmendjen sa herë që zhvillohen debate në Kuvend apo Komisione Parlamentare, për shkak të batutave dhe krahasimeve që përdor.
Së fundmi, në Komisionin e Ligjeve, atje ku nga ministrja e Shtetit, Elisa Spiropali, u paraqit pr/ligji për “Agjencinë për dialog dhe bashkëqeverisje”, Koreshi e konsideroi draftin si një çorape leshi, e veshur në behar, por që është e grisur te gishti.
“Kjo agjenci ka shkelur ndonjë ligj? Ku është ajo hierarkia e ligjit, si ka operuar? Ju deri tani thoni 43 mijë, një shifër e tillë? Sa do të jetë ajo zgjidhja që ky ligj do të ketë konkretisht?
Tjetër që kam shumë problem, për sa i përket konfliktit që krijon me Gjykatën Administrative? Doni ta hiqni gjykatën?
Tek ligji propozoni që do marrë vërejtje, do t’i shkulim veshin, do i heqim ditën e punës, por ligji parashikon që veprimet dhe mosveprimet bëjnë shpërdorim detyre.
Kjo agjenci ka çuar ndonjë për shpërdorim detyre gjatë këtyre viteve? Nuk ka ndonjë kryetar bashkie të emëruar nga ju që nuk e firmos këtë, por si do të jetë koordinimi me pushtetin vendor? I keni menduar këto? Ligji është vetëm perde pos s’ka dritare. Kësaj dritares çfarë do i bëjmë?”, u shpreh ai.
