Deputetët e PS dhe ato të PD u përfshinë në debate mes tyre në Komisionin e Ligjeve, ndërsa po diskutohej ligji i ri për Agjensinë e Bashkëqeverisjes.
Debati ka nisur pasi deputetët e PD janë provokuar nga Ermonela Felaj, e cila me arrogancë u ka kujtuar deputetëve të PD skemat piramidale, duke shtuar se PD e ka të vështirë që të ndryshojë imazhin që kanë për të shqiptarët.
Enkelejd Alibeaj e ka cilësuar ligjin si komunist, ndërsa akuzoi Qeverinë e Rilindjes se po tenton ta aplikojë edhe tani.
Por Felaj i ka konsideruar si qesharake debatet me komunistë dhe ballistë.
Debati i plotë:
Enkelejd Alibeaj: Është një ligj komunist, që doni ta aplikoni në këtë kohë
Ermonela Felaj: Personalisht këto diskutimet me ballistë dhe me komunistë më duken shumë qesharake, janë shumë të vogla. Jetojmë në një realitet krejt tjetër, kur iu vendosni seksionin paratë e mija, shqiptarëve iu kujtohen piramidat dhe 97. Detyrimi kryesor i një qeverie është të qëndrojë pranë njerëzve, ata kanë pritshmëri që ne tiu zgjidhim problemet. Tani ti fshehim ne realitetin e shqiptarëve? E kemi fshehur ne faktin që ka perceptim shumë të madh se në sistemin gjyqësor ka shumë probleme me korrupsionin. Të lutem, të lutem tani, kupto shkakun që të marrësh vesh dhe pasojën. Ju që na thoni pse nuk keni një administrate perfekte.
Ndërhyn Bardhi, por nuk dëgjohet
Felaj: Ne iu dhamë mundësinë qytetarëve që në rast se nuk kanë një ”mik” të kenë mundësi se ku të drejtohen, Nuk i kërkohet asnjë qytetari që të tregojë përkatësinë politike, janë njerëz 150 mijë qytetarë, nuk janë hije. Ne e prezumojmë dijeni për ligjin, ka qytetarë që kanë pamundësi për të ushtruar të drejtën që ua jep ligji. Çfarë problemi kemi ne si deputet që qytetarët ta kenë këtë të drejtën e tyre. Ne deputetët duhet të ishim më të lumturit. A ka të drejtë qeveria që të ketë më shumë se një sy? Po mo patjetër!
Greta Bradeli: Keni 8 vite që qeverisni moj zonjë
Felaj: Ku ishit ju mo këto katër vite, pse nuk e çuat në Kushtetuese
Ndërhyn Bardeli
Klotilda Bushka: Zonja Bradeli ka një rregull, mos ndërhyni kur flisni
Felaj: E kuptoni që kemi 8 vite që punojmë, ju u ka mbetur ora
Bushka: Zonja Felaj të lutem, ua kam hequr të gjithëve mikrofonat, nuk po dëgjoheni asnjëri, zonja Felaj nuk e keni mikrofonin, të lutem zonja Felaj. O zotëri! Nëse doni që në këtë Komision të bëhet mbledhje, ju zonja Bardeli kur të keni radhën mund ti mbani shënim dhe ti thoni kur të keni fjalën. Zonja Felaj do të vazhdojë fjalën, ta mbyllim këtë diskutim, kërkoj respekt për njëri tjetrin. Tani se jemi të gjithë juristë, të kemi interes dhe respekt për njëri tjetrin.
Felaj: Nuk mund të jetë dikush këtu që të më kufizojë mua fjalën, po u pëlqeu mirë, po nuk iu pëlqeu… Atë dorën tregoja dikujt tjetër, kaq! Nëse s’të pëlqen të dëgjosh, mungesa jote nuk është shqetësim për askënd. Ose do më dëgjosh ose do të largohesh.
Bardhi: Do të më largosh ti mua?
Felaj: Të largon rregullorja që e thotë qartë se nuk lejohen ndërhyrjet . Oerd ka një minimum sjellje dhe etike, të mësohemi që këtu të mos i ndërhyjmë njëri tjetrit.
Bushka: Jemi të gjithë shumë të njohur me rregullat e Komisionit, kur flet një nga kolegët, të tjerët duhet të dëgjojnë, dhe të mbajnë shënime. Nuk doni të bëni mbledhje?
