Evi Kokalari: Njerëzit e Bashës po kërcënojnë qytetarët me bllokimin e vizës amerikane

Aktivistja shqiptaro-amerikane, Evi Kokalari, me anë të një postimi në Facebook deklaron se njerëz pranë kryetarit aktual të PD, Lulzim Basha, kanë kërcënuar qytetarët me bllokim të vizës amerikane.

Me sa kuptohet, bëhet fjalë për mbështetësit e liderit historik të PD, Sali Berisha, të cilët ditët e fundit kanë marrë mesazhe kërcënuese në rrjetet sociale, por edhe telefona, ku u kërkohet që të mos marrin pjesë në foltoret e organizuara nga ish-kryeministri.

Përmes një postimi në Facebook, Kokalari thotë se kërkon të mbledhë dëshmi nga qytetarët, me shkrim, por edhe të noterizuar.

LEXO EDHE  E rëndë/ Makina i merr jetën 17-vjeçarit në Bulqizë

Postimi i Kokalarit:

Kërkoj individë që janë gati të japin deklaratë në të shkruar dhe mundësisht të noterizuar, që grupi i Bashës i ka kërcënuar me ambasadën Amerikane dhe me bllokim vize në të ardhmen. Kjo është çështje shumë serioze. Ju lutem, nëse njihni dikë që vërtet kjo i ka ndodhur dhe është gati ta deklaroj me shkrim, më kontaktoni privatisht. Faleminderit.