Maqedonia e Veriut është vendi, i cili po përballet me situatën më të vështirë të shkaktuar nga Covid-19. Krahasuar me vendet e tjera të rajonit të Ballkanit, fqinji lindor aktalisht ka numrin më të lartë të vdekjeve duke regjistruar 254 humbje jete vetëm për muajin tetor.
Numri më i lartë viktimave gjatë këtij muaji u shënua më 7 Tetor ku u raportuan për 26 fatalitete, ndërkohë që rekordi negativ ditor është shënuar më 7 Prill të këtij viti kur edhe humbën jetën 51 persona.
Në total, Maqedonia e Veriut numëron 6922 viktima ose 3323 jetë të humbura për çdo 1 milionë banorë, duke u bërë kështu vendi i dytë me vdekshmërinë më të lartë në gjithë Ballkanin pas Bosnje-Herzegovinës.
Maqedonia e Veriut ka evidentuar mbi 196 mijë infektime që prej nisjes së pandemisë, ndërsa ka vaksinuar mbi 36 për qind të popullsisë me të dyja dozat.
