Kthimi i Erling Halaand në fushë për Borussia Dortmund duket se i ka dhënë përsëri frymëmarrje kampionatit gjerman, pasi skuadra e Marco Rose sot i ka rrëmbyer vendin e parë në klasifikim Bayern Munchen.
Sulmuesi norvegjez mungonte prej 3 javësh në radhët e skuadrës së tij, por sot ka treguar se është kthyer përsëri në formë të shkëlqyer.
Në ndeshjen ndaj Mainz, Reus i dha avantazhin Borussias që në minutën e 3-të, ndërsa Haaland gjeti rrugën e rrjetës në pjesën e dytë me penallti.
Goli i Burkard në fund të sfidës la të mendohej se miqtë mund të bënin surprizë, por ishte përsëri Haaland i cili në fund shënoi golin e rezultatit përfundimtar 3-1.
Kështu, Borussia kapërcen përkohësisht Bayern Munchen në kreun e renditjes, por me bavarezët të cilët kanë një ndeshje më pak, të cilën do ta luajnë nesër në fushë e Bayern Leverkusen.
Rezultatet e ndeshjeve të orës 15:30:
Klasifikimi:
