Ish-Kryeministri Sali Berisha iu përgjigj ndaj ambasadores së SHBA, e cila me anë të një statusi në Twitter bëri të ditur se nuk do të kishte asnjë lloj negocimi me persona të cilët ishin shpallur non-grata.
“Përcaktimi publik 7031(c) nuk është subjekt “negocimi” & askush nuk duhet të pretendojë se është “ndërmjetës”. Ata të cilët janë përcaktuar publikisht mund t’ua vënë fajin konspiracioneve, por faktet janë të pamohueshme”– shkruajti Kim në Twitter më herët gjatë ditës së sotme.
Por në takimin me sipmatizantët e PD në Korçë, ish kryeministri Sali Berisha e mhoi kategorikisht që të kishte bërë negocime pas shpalljes së tij non-grata dhe shtoi se i vetmi instrument të cilin ai kishte menduar kishte qenë gjykata e Francës ku edhe ka paditur Sekretarin amerikan të Shtetit, Anthony Blinken.
“Në mënyrë absolute asnjë njeriu në botë nuk i kam kërkuar asnjë lloj ndihme. Zero. Pse? Gjykata, gjykata. Nuk kam fare as negociata, as stërnegociata, asnjë gjë. Edhe kryetari i thashë mos u përzieni, partia nuk ka punë me këtë çështje”, tha Berisha.
