Gjatë ‘foltores’ në Korçë, ish-kryeministri Sali Berisha, theksoi se me zgjedhjet në PD, edhe nëse humbet, Lulzim Basha do të mbetet në parti.
Duke premtuar bashkimin e PD, Berisha tha se çdokush që largohet nga partia i pakëson radhët, ndërsa solli rastin e Agron Shehaj.
“A u bë gara me Agron Shehun? Ja unë po e them këtu: Agron Shehu e meritonte te ishte ne kryesi, sepse e votuan 20% atë. Ata 20 përqind ta shihin aty. Po të shohësh në histori ai që ka kandiduar për kryetar nuk ka dal kurrë jashtë kryesisë, ka mbetur anëtar i kryesisë. Sali Berisha ka fituar me 70 përqind ai që rivalizonte ka mbetur aty. Çdo njeri që e kundërshtoi humbi vendin e tij, kjo duhet të marri fund…
Kështu ne shkojmë duke krasit veten. Statuti është shumë i drejtë në këtë pikë. Statuti thotë që çdo masë merret me 2/3 e Këshillit Kombëtar.
Ne do bashkohemi, dhe unë përsëri…Ai do mbetet, pa diskutim, por ama duhet të votojmë. Nuk mund të thotë kurrë që nuk lejoj kuvend”, tha Berisha.
