Eddie Jaku, i mbijetuari i Holokaustit i cili e përshkroi veten si “njeriu më i lumtur në Tokë”, ka vdekur, në moshën 101-vjeçare.
Muzeu Hebraik i Sidneit, ku Jaku ende punonte si vullnetar, tha se vdekja e tij “la një boshllëk të madh në zemrat” e të gjithëve atje.
“Ndikimi i Eddie do të ndihet për brezat e ardhshëm,” tha një mesazh i postuar në mediat sociale.
Jaku tha se ai ishte “njeriu më i lumtur” pavarësisht tmerreve që pa në kampet e përqendrimit.
“Jeta është ajo që dëshironi të jetë, jeta është në duart tuaja. E dini që lumturia nuk bie nga qielli. Është në duart tuaja. Doni të jeni të lumtur? Mund të jeni të lumtur.” – tha Jaku.
“Ky është mesazhi im, sa të jem gjallë, do të mësoj të mos urrej” -shkroi ai në autobiografinë e tij, botuar vitin e kaluar për të shënuar 100 vjetorin e tij.
