Gjykata e Tiranës vendosi masën e sigurisë “arrest shtëpie” për administratorin e kopanisë farmaceutike “Farmanet”, Sokol Topçiun, i cili u arrestua nga Policia e Tiranës me urdhër të Prokurorisë, për kontrabandë ilaçesh gjatë periudhës së pandemisë.
E njëjta masë u dha edhe për 4 të arrestuar të tjerë, Blerim Bitri, Florian Marku, Florian Lila të cilët janë administratorë farmacie dhe Bashkim Osmani, administrator i një depoje farmaceutike.
Seanca gjyqësore u zhvilluar me dyer të mbyllura.
Të arrestuarit në bashkëpunim me njeri tjetrin, por dhe me 64-vjeçaren Margarita Xhaxhiu, e cila dyshohet se i sillte mallrat kontrabandë dhe Jani Papuli, i punësuari i saj, shisnin medikamentet që futeshin pa u regjistruar dhe e që kryesisht përdoreshin për trajtimin e Covid-19.
Referimi është bërë nga Krimi Ekonomik në Prokurorinë e Tiranës dhe më pas, hetuesit kanë bërë blerje të stimuluara me agjentë të infiltruar në disa raste.
Dyshohet se këto ilaçe nga 20 dollarë që u sollën në Shqipëri u shitën më pas deri ne 50 mijë lekë të vjetra. Nga Raportimet mësohet se në total janë 12 administratorë subjektesh farmaceutike nën hetim për kontrabandë dhe hetimet vazhdojnë.
Tre ditë më parë, Policia e Shtetit njoftoi arrestimin e administratorit të rrjeti farmaceutik “Farmanet” në kuadër të hetimeve lidhur me tregtimin e ilaçeve kontrabandë.
Ilaçet që u shitën në treg me çmim shumë herë më të lartë se sa u blenë janë: ‘inhixa, clexane, favira, alphagan, cyrotex, aricept, medro, co aprovel.’
Operacioni i koduar ‘Përfitimi’, u zhvillua nga Seksioni për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë. Hetuesit kanë bërë blerje të kontrolluara në disa raste. Shitja e këtyre medikamenteve ka zgjatur përgjatë gjithë muajve.
Arrestohet Sokol Topçiu, biznesmeni që fitoi miliona nga ilaçi kundër helmit të gjarprit
