Deputeti Oerd Bylykbashi e konsideroi si autokrat kreun e PD-së, Lulzim Basha. Bylykbashi tha se historikun e partisë ne nuk mund ta hedhim në plehra.
“Kriza në PD erdhi si pasojë e një vendim autokratik nga Lulzim Basha. Isha përballë një qëndrimi moral karshi demokratëve dhe pragmatizmit. Modeli i prodhuar në PD është ai autokratik, që humbet në mënyrë të vazhdueshme.
Në 2013 në Grupin Parlamentar të PD ka pasur debate dhe ishte i respektueshëm. Në 2017 debati u hesht, kemi 4 vjet që ia themi Lulzim Bashës.
Priste Grupi Parlamentar derisa Lulzim Basha të merrte vendimet me aleatët dhe pastaj vinte në grup. Megjithatë ne ia dhamë shansin të gjithë bashkë dhe çfarë bëri? Mori vendime katastrofike, duke djegur mandatin, kërcënonte me djegien e zgjedhjeve, i dha mundësinë Edi Ramës të ndryshonte Kushtetutën.
Ne na intereson një Kryetar partie, jo një misionar”, tha Bylykbashi.
Ai shtoi se ka kundërshtuar Bashën në secilin nga vendimet katastrofike, duke shtuar se nuk mund të lejonte që anëtarët e PD të mos kishin më asnjë vlerë, meqë Lulzim Basha na nxjerr argumentin se është zgjedhur me parimin “1 anëtar, 1 votë”.
“Nëse Sali Berisha ka nisur një lëvizje që do ti japë frymëmarrje PD, atëherë mund të them atë që italianët e përdorin si shprehje: do të ikë një Papë, do vijë një Papë tjetër”, tha Bylykbashi.
DENONCO