Sjellja e tifozëve në “Air Albania”, eksperti tregon dënimin që do të marrë Shqipëria

Marcin Samsel, ekspert sigurie dhe ish-bashkëpunëtor i UEFA-s, ka shpjeguar se cilat ishin shkaqet që situata përshkallëzoi deri në ndërprerjen e ndeshjes mes Shqipërisë dhe Polonisë. Duke folur për “SportoweFakty”, Ai tregoi se si ishte situata dhe çfarë duhej përmirësuar në Tiranë.

“Fatkeqësisht, në vendet e Ballkanit është një standard. Për më tepër, kjo nuk është situata e parë e tillë që ka ndodhur në këtë stadium, kështu që nuk është një rastësi. Pse ishim dëshmitarë të skenave të tilla? Ishte problemi i ndërtimit të një sistemi sigurie. Nga shitja e biletave, pra njohja se kujt ia shesin, tek kontrolli personal dhe funksionimi normal i sistemit të monitorimit, kur tifozët e dinë që ato mund të identifikohen. Kjo është ajo që mungon.

Shishet në tribunë? Në Poloni është e ndaluar. Një shishe e tillë, edhe ajo plastike, e hedhur nga një lartësi është si një gur dhe mund të bëjë shumë dëm. Unë nuk shoh ndonjë problem në sjelljen e polakëve se ata gëzonin nën tribunën e gabuar. Në fakt, e njëjta gjë do të ndodhte kudo në fushë. Pasi intervistat në TVP Sport u zhvilluan në fushë dhe shishet ende fluturonin drejt lojtarëve tanë.

LEXO EDHE  Rinovoi deri në 2027, Ansu Fati: Barça një ëndërr, nuk më peshon numri 10

Gjyqtari ishte i vetëdijshëm se me një atmosferë kaq të nxehtë, situata mund të përshkallëzohet. Dikush do të hedhë shishen, do të jepet një përgjigje nga fusha, pastaj tifozët hyjnë në fushë dhe ne kemi një problem. Gjyqtari e parashikoi këtë dhe ndaloi gjithçka në momentin e duhur. I dha kohë palëve për të qetësuar emocionet”, shpjegoi Samsel.

Por çfarë e pret Shqipërinë? Sipas tij është gjithçka e qartë. “Shqipëria do të ndëshkohet nga FIFA, nuk kam dyshime. Do të jetë një dënim financiar, por edhe një ose dy ndeshje pa pjesëmarrjen e publikut. Do ta zbulojmë brenda pak ditësh. Por nëse sistemi i sigurisë në Shqipëri nuk përmirësohet, situata të tilla do të vazhdojnë të ndodhin. Vizualisht ata kanë një stadium shumë të bukur, por kjo nuk mjafton”, tha Samsel për situatën që ndodhi në “Air Albania”.