Çuçi dhe Nano mbledhin drejtuesit e policisë së Tiranës

Pak ditë pasi mori drejtimin e Policisë së Shtetit, Gledis Nano ka filluar takimet me drejtuesit në Tiranë dhe rrethe. Mëngjesin e sotëm, Nano i shoqëruar nga ministri i Brendshëm Bledi Çuçi ka takuar për rreth dy orë drejtorin e Policisë së Tiranës, Rebani Jaupi dhe drejtues të sektorëve të ndryshme.

Raportohet se në takim është diskutuar për goditjen e grupeve kriminale, por edhe të rinjtë që kanë mbaruar Akademinë e Sigurisë dhe do angazhohen në polici.

LEXO EDHE  Ditë dimri, ja si pritet moti në vijim

Ky takim vjen gjithashtu një ditë para përfundimit të afatit 100 ditorë të lënë nga kryeministri Edi Rama për të gjithë drejtuesit e policisë “për ti dhënë kësaj strukture një tjetër fytyrë në mandatin e tretë të qeverisjes së shumicës socialiste”.