Ministria e Shëndetësisë në Kosovë ka njoftuar se të Mërkurën është regjistruar një viktimë me koronavirus.
Sipas Ministrisë, në 24 orët e fundit, janë regjistruar edhe 29 persona të infektuar me këtë virus, pas 2.526 testimeve.
Autoritetet shëndetësore kanë bërë me dije se më 13 tetor, 36 persona janë shëruar, ndërsa mbi 1.043 persona janë ende aktivë në koronavirus.
Prej shpërthimit të pandemisë në mars të vitit 2020, autoritetet shëndetësore në Kosovë kanë regjistruar mbi 160.000 raste të infektimit.
Prej tyre 2.973 persona kanë vdekur.
Prej nisjes së fushatës së vaksinimit, 648.218 persona janë vaksinuar plotësisht kundër këtij virusi, ndërsa 827.886 persona kanë marrë dozën e parë.
