Noka i përgjigjet Bashës: Peng i Ramës, po përçan demokratët

Foto-PD

Deputeti Flamur Noka e ka quajtur kryetarin e PD-së Lulzim Basha, “peng” të kryeministrit Edi Rama. Në një postim në rrjetet sociale, Noka shprehet se Basha po përçan demokratët.

“Me goje e thote qe qellimi eshte rrezimi i Rames, nderkohe ky i fundit vazhdon te mbreteroje i qete ne pushtet per 12 vjet. Me vepra pengu i tij po e “lufton“ ate duke perjashtuar dhe percare demokratet…”, shkruan Noka.

Më herët gjatë kësaj të Marte, Basha konfirmoi përjashtimin e Nokës si nëkryetar i grupit parlamentar të sigurisë. “Zotit Noka i kam komunikuar shkarkimin nga detyra si zëvendëskryetar i komisionit të sigurisë, nuk e kam përjashtuar, por e kam paralajmëruar, sepse s’mundet që PD që ka kundërshtar dhe armik, armikun e shqiptarëve – Edi Ramën dhe regjimin e tij, të mbahet peng nga sajesa, shpifje dhe keqinformime që na devijojnë nga detyra jonë kryesore si opozitë që është lufta ndaj këtij regjimi në gjithë format dhe mënyrat”, tha Basha në një prononcim për gazetarët jashtë selisë së PD, pas një takimi me ministren britanike për Europën.

LEXO EDHE  Emërohet drejtori i ri i Tatimeve