Gazetari Ylli Dylgjeri ka ironizuar në rrjetet sociale vendimin e fundit të kreut demokrat Lulzim Basha, i cili shkarkoi deputetin Flamur Noka nga Nënkryetar i Komisionit Parlamentar të Sigurisë Kombëtare, ndërkohë që e paralajmëroi edhe me përjashtim nga grupi parlamentar.
Dylgjeri shkruan se ‘Basha hoqi edhe Flamurin dhe tani i ka mbetur vetëm shkopi’.
Në 10 shtator Lulzim Basha mori vendimin për të përjashtuar Sali Berishën nga grupi parlamentar, duke shkaktuar përplasje në PD.
Ndërsa lideri historik i demokratëve ka nisur lëvizjen ‘Foltorja’ për t’i rikthyer PD-së sovranitetin, ndërsa vijon edhe mbledhja e firmave për thirrjen e Kuvendit Kombëtar.
