Tre të rinj janë arrestuar nga policia e Durrësit pasi akuzohen si autorët e një tentative për vjedhje banese nën kërcënimin e armës.
Ngjarja ndodhi mbrëmjen e kaluar rreth orës 20:00 në Katund Sukth, ku banori i shtëpisë telefonoi policinë duke i lajmëruar se banesa e tij po vidhej.
Policia arrestoi:
L.P., 21 vjeç, banues ne Katund Sukth, i dënuar më parë për armembajtje pa leje;
A.K., 20 vjeç, banues në lagjen Kodra, Shijak, i dënuar më parë për vjedhje;
D.C., 24 vjeç, banues në Fermë, Sukth, i dënuar më parë për vjedhje.
Si dhe u shpallën në kërkim pasi mundën të largoheshin duke përfituar dhe nga errësira shtetasit: P.P., 27 vjeç, banues në Katund, Sukth, i dënuar më parë për vjedhje dhe A. P., 20 vjeçe, banuese në lagjen nr.13, Durrës (vëlla e motër).
Gjatë operacionit shërbimet e Policisë sekuestruan në cilësinë e provës materiale një armë zjarri kallashnikov dhe fishek luftarakë.
Nga veprimet e para hetimore të kryera, dyshohet se këta shtetas janë autorë edhe të 8 vjedhjeve të tjera të ndodhura më parë dhe konkretisht:
1-Më datë 17.06.2021, shtetasit K.B., në oborrin e banesës i kanë vjedhur motomjetin;
2-Më datë 12.07.2021, gjatë natës, në lagjen ‘’Stalla’’Sukth, kanë vjedhur në banesën e shtetases B. T., 3 televizorë plazma dhe dy frigoriferë;
3-Më datë 06.08.2021, kanë tentuar të vjedhin në banesën e shtetasit Sh. K.,;
4-Më datë 18.08.2021, gjatë natës, në banesën e shtetasit M. L., kanë vjedhur sende të ndryshme;
5-Më datë 08.09.2021, gjatë natës, në Sukth, në banesën e shtetasit L. D., kanë vjedhur disa telefona celularë;
6-Më datë 18.09.2021, në Sukth, i kanë vjedhur telefonin celuar shtetases Sh. L.;
7-Më datë 01.10.2021, në lagjen Nr.17, Durrës, kanë vjedhur në Qendrën Shëndetësore, pompën e ujit dhe sende të tjera;
8-Më datë 03.10.2021, në Katund i Ri, Durrës, në banesën e shtetasit S. R., kanë vjedhur sende me vlerë bizhuteri dhe 1 televizor.
Vijon puna për kapjen e dy personave të shpallur në kërkim, ndërsa materialet në ngarkim të shtetasve të mësipërm i kaluan për veprime të mëtejshme Prokurorise Prane Gjykates Shkallës Parë Durrës, për veprat penale “Vjedhja me armë, e mbetur në tentativë” dhe “Vjedhja” e kryer në bashkëpunim”, njftoi policia.
DENONCO