Soz zgjidhen 3 anëtarët e rinj të KLGJ, të cilët do të votohen nga 263 gjyqtarë të Republikës.
Qeveria e gjyqësorit do të ripërtërihet pasi në 12 dhjetor mbarojnë mandatin 5 anëtarë, 3 prej të cilëve gjyqtar. Konkretisht, në 12 dhjetor, mbarojnë mandatin anëtari Medi Bici, i cili vinte nga radhët e Gjykatës së Lartë, Ilir Toska, nga gjykatat e Apelit dhe Brunilda Kadi, nga gjykatat e Shkallës së Parë.
Për të zëvendësuar Medi Bicin, kandidojnë gjyqtarët e lartë Asim Vokshi dhe Klodian Kurushi.
Për të zëvendësuar Ilir Toskën, kandidojnë Vojsava Osmanaj dhe Ridvan Hado, si dhe për zëvendësimin e anëtares Brunilda Kadi, kandidojnë Manjola Xhaxho dhe Irena Plaku.
Në 12 dhjetor, mbarojnë mandatin edhe Erjon Muharremaj e Maksim Qoku, të cilët vijnë nga radhët e pedagogëve. Dy vendet e tyre plotësohen nga Kuvendi
