Prokuroria e Gjirokastrës mohon hetimin e SPAK

Prokuroria e Rrethit Gjyqësor Gjirokastër mohoi lajmet e publikuara në media se zyrat e saj janë bastisuar nga agjentë të Byrosë Kombëtare të Hetimit, BKH si pjesë së një hetimi të iniciuar nga SPAK.

“Në përgjigje të interesimit të gazetarëve në lidhje me lajmin e shpërndarë sot, sipas të cilit hetues nga Byroja Kombëtare e Hetimit kanë sekuestruar disa fashikuj të çështjeve penale të caktuara pranë kësaj prokurorie, çmon të nevojshme që nëpërmjet kësaj deklarate, të sqarojë publikun se një lajm tillë i shpërndarë nëpërmjet portaleve apo mediave të caktuara, nuk është aspak i vërtetë”, njoftoi Prokuroria e Gjirokastrës.

LEXO EDHE  Dega e PD në Bruksel: Të mblidhet urgjent Kuvendi, lidershipi po shkatërron partinë

Prokuroria pranë Gjykatës së Shkallës së Parë Gjirokastër garanton publikun se do të vazhdojë veprimtarinë e saj, në përputhje me detyrimet kushtetuese dhe legjislacionin në tërësi”, thuhet më tej në njoftim.

Një numër mediash online dhe televizive raportuan të premten se BKH kishte zbarkuar në zyrat e Prokurorisë së Rrethit Gjirokaster dhe kishte sekuestruar një numër fashikujsh hetimorë si pjëse të nje hetimit për korrupsion të iniciar nga SPAK.