Federata Shqiptare e Futbollit do ndihmojë Vllazninë me rinovimin e fushës sportive “Reshit Rusi”. Një kërkesë e klubit shkodran dhe Bashkisë Shkodër ka bërë që kuqeblutë të jenë pjesë e projektit “100 fushat”, që FSHF e ka iniciuar për disa klube.
Pritet që për pak ditë punimet në “Reshit Rusi” të përfundojnë, me klubin shkodran që zgjidh një pjesë të problematikave me stërvitjen e skuadrës së parë dhe Akademisë.
FSHF po ndihmon disa klube elitare dhe jo vetëm me këtë projekt, duke i dhënë një asist skuadrave për terrenet stërvitore. Tanimë shkodranët presin një tjetër projekt për një fushë me bar natyral, gjë që ekipi i parë e vuan.
