Berisha paralajmëron protesta masive: Do ngrihemi si në 90-ën!

Ish-kryeministri Sali Berisha ka bërë thirrje për protesta masive këtë të Premte nga Foltorja e Elbasanit.

Teksa foli për rritjen e çmimeve në vend, ish-kryeministri Sali Berisha tha se “duhet të përgatitemi për protestat më të fuqishme që ka njohur vendi”.

“Protestë, protestë dhe vetëm protestë. Edi Rama, duhet ta dish mirë se kur të ngrihemi në protestë, nga rrugë nuk shqitemi pa të hedh aty ku e meriton. Mos luaj me çmimet, mos luaj me kafshatën se shqiptarët e paguajnë kafshatën 80 herë më shtrenjtë se qytetarët e BE. Naftën e paguajnë për shkakun tënd njësoj me qytetarët e Zvicrës që kanë një rroge mestarë 6 mijë euro, ndaj 300 euro që marrin shqiptarët. Ne po ngrihemi në këmbë si opozitë e vërtetë, si opozitë që i treguam vendin në 90-ën regjimin e etërve të tyre. Ftoj demokratët të përgatitemi për betë deri në fitoren e plotë, fitoren e merituar”, shtoi ai.

LEXO EDHE  Reshjet e dendura të shiut gjatë natës, probleme me rrugën nacionale Kukës-Shishtavec

Gjatë fjalës së tij, Berisha e akuzoi Lulzim Bashën për bashkëpunim me kryeministrin Edi Rama. Ndërsa për këtë të fundit, tha se “e ka kthyer Shqipërinë në delen e zezë të Ballkanit”.