Berisha: Në vitin 2017 duhet të kisha marrë këtë projekt që kam ndërmarrë sot, do ishim në pushtet

Nga “Foltorja” e Elbsanit, ish-kryeministri Sali Berisha deklaroi se këtë nismë duhet ta kishte marrë që prej vitit 2017. “Ju siguroj se do ishim në pushtet sot, Shqipëria do kishte hapur negociatat”, shtoi ai.

“Unë kërkoj ndjesë para jush sepse në këto 8 vite si njeri i betuar që nuk kthehem më, kam mbështetur publikisht një njeri që nuk po e marr në rrafshin njerëzor, se po ta marrësh në rrafshin njerëzor në librat shkencorë thuhet se si ai (i pabesi) as nuk duhet të lindë. Por, nuk e marr në këtë rrafsh fare. E marr në një qëndrim jashtëzakonisht të paimagjinueshëm ndaj vlerave që ne sollëm në Shqipëri. Ne sollëm dy gjëra, votën e lirë dhe liri e të drejta njerëzore e interes kombëtar. Për fat të keq partia filloi të bjerë në këto dy shtylla kryesore”, tha Berisha.

LEXO EDHE  Grevë urie në burgun e Burrelit

“Unë e kam mbështetur në mënyrë absolute duke i treguar atij (Bashës) privatisht gjithçka. Por, publikisht unë e kam mbështetur fuqimisht me shpresë që të ecnim drejt fitores, në një kohë kur ai kishte axhendë tjetër për t’u lartësuar vetë. Nuk lartësohesh dot nëse kryen akte siç kreu ai në vitin 2017, del në pusi dhe vret bashkëluftëtarët e tu dhe thua e bëra unë. Po si e bërë? Jo çdo gjë mund të bësh! Gabimi më i madh i imi ka qenë se unë në vitin 2017 duhet të kisha marrë këtë projekt që kam ndërmarrë sot, ju siguroj se do ishim në pushtet sot, Shqipëria do kishte hapur negociatat. Kjo nuk ndodhi, për çka unë kam përgjegjësi. Do bëj gjithçka që të kthejmë vlerat”, shtoi ai.