Reshjet e dendura të shiut, gjatë orëve të para të mëngjesit të sotëm kanë përmbytur qytetin e Durrësit, një nga qytetet më problematike në vendin tonë kur vjen puna te përmbytjet.
Fillimi i reshjeve të shiut ka sjellë rritje të nivelit të ujit në rrugën e stadiumit, rrugën e lagjes nr.14, nr.13 dhe për pasojë është paralizuar edhe lëvizja e automjeteve.
Ndërmarrja e komunales duket se nuk ka marrë masa as këtë verë, pasi përmbytjet janë një problem i përhershëm në Durrës.
