Tre persona janë plagosur si pasojë e një aksidenti rrugor, ku një automjet ka dalë nga rruga, në afërsi të fshatit Vërçun në Pogradec.
Automjeti drejtohej nga shtetasi K.G, 45 vjeç.
Policia njoftoi se aksidenti ka ndodhur rreth orës 15:40, në afërsi të fshatit Vërçun, Pogradec, ku shtetasi K. G., rreth 45 vjeç, banues në fshatin Shqitas, Maliq, duke drejtuar mjetin tip “Ford”, dyshohet se ka humbur kontrollin e mjetit dhe ka dalë nga rruga.
Për pasojë janë dëmtuar pasagjerët, shtetasja Xh. H. rreth 30 vjeçe dhe shtetasi M. H., 33 vjeç, banues në fshatin Çaushli, Maliq, si edhe drejtuesi i mjetit shtetasi K. G., të cilët u transportuan në Spital dhe ndodhen nën kujdesin e mjekëve.
Grupi hetimor po punon për sqarimin e rrethanave të ngjarjes.
