Ministri i Brendshëm, Bledi Çuçi, u shpreh në emisionin Opinion se Ardi Veliu u dorëhoq nga posti i Drejtorit të Përgjithshëm i Policisë së Shtetit dhe nuk u shkarkua.
Çuçi tha se dorëheqja e Veliut nuk ishte një veprim i ndërmarrë nën presion.
“Nuk kemi të bëjmë me shkarkim, por me dorëheqje. Ardi Veliu ka dhënë dorëheqjen, nuk ka pasur arsye për shkarkim, pasi kishte një mandat të suksesshëm”, tha Çuçi.
Ai u shpreh se informacionin që Veliu kishte dhënë dorëheqjen e kishte mësuar pasi kishte dalë nga mbledhja e Komisionit Parlamentar.
“Ne fillojmë një mandat të ri dhe do të kishim një kërkesë të shtuar ndaj punës së Policisë”, pohoi Çuçi.
