Endrit Shabani, kreu i Nisma Thurje, përmes një postimi në rrjetet sociale, shprehet se rritja e çmimit të energjisë në Shqipëri nuk vjen nga bursat ndërkombëtare, por nga fakti se Edi Rama qeveris me një grup oligarkësh.
Shabani shkruan se Shqipëria prodhon 8.5 mln MWH energji elektrike dhe konsumon 7.5 mln MWH, ndërkohë që eksportohet gaz, krom, naftë, energji, ujë dhe shumë burime të tjera natyrore.
Sipas tij, do të ishte më e sinqertë që Rama të deklaronte se rritja e çmimeve në Shqipëri vjen për faktin se ai fitoi zgjedhjet, pasi tashmë dihet se ai qeveris me një grup oligarkësh me të cilët vjedh Shqipërinë për të fituar zgjedhjet dhe fiton zgjedhjet për të vjedhur Shqipërinë.
Postimi nga Dr.Endrit Shabani-
Ne nje vit Shqiperia prodhon rreth 1.5 milion ton nafte dhe konsumon rreth 0.6 milion ton.
Shqiperia prodhon deri ne 8.5 milion MWh energji elektrike dhe konsumon mesatarisht 7.5 milion MWh
Ne eksportojme nafte, gaz, energji elektrike, uje, krom, baker dhe shume burime te tjera natyrore.
Nese cmimet ne bursat nderkombetare te ketyre produkteve rriten, ne si vend duhet te perfitonim me teper, pasi do shisnim me shtrenjte.
Por jo, kryeministri na paralajmeron per kohera te veshtira, se medemek qenkan rritur cmimet e energjise ne bote (?!)
Do ishte me e sinqerte nese Rama do thoshte troc se rritja e cmimeve nuk vjen nga bursat ne bote, por nga fitorja e zgjedhjeve ne Shqiperi.
Nuk ka mbetur njeri pa e kuptuar se ai qeveris me nje grup oligarkesh, me te cilet vjedh Shqiperine per te fituar zgjedhjet, dhe fiton zgjedhjet per te vjedhur Shqiperine.
