Napoli triumfoi në transfertën e vështirë të Fiorentinës, me rezultatin 1-2.
Violët kaluan të parët në avantazh me Martinez në minutën e 28-të të takimit, por Lozano barazoi shifrat në minutën e 39-të.
Heroi për Napolin ishte ish-mbrojtësi i Partizanit, Amir Rrahmani i cili shfrytëzoi saktë një krosim në zonë për t’i dhënë fitoren skuadrës së tij. Napoli ruan kështu kreun me pikë të plota, 21 pas 7 javësh kampionat.
Në sfidën tjetër, të Serie A Roma u rikthye te fitorja në kampionat duke mposhtur në Olimpiko 2-0 Empolin. Nga një gol për pjesë i Pelegrinit dhe Mikitarian i mjaftuan skuadrës së Murinjos për të marrë tre pikët duke u ngjitur në vendin e katërt në renditje.
Mesfushori i Kombëtares, Nedim Bajrami e nisi nga stoli sfidën, por u aktivizua me fillimin e pjesës së dytë, pa mundur të lërë gjurmë në këtë takim.
