Janë luajtur ndeshjet e javës së parë të Kampionatit Kombëtar në Volejboll për meshkuj.
Partizani kampion fitoi me lehtësi 3-0 ndaj Teutës në Durrës (28-26, 25-12, 25-17), një ndeshje me rivalitet vetëm në setin e parë. Loja e vendasve zgjati vetëm një set dhe më pas u dorëzuan. Po 3-0 fiton edhe Studenti, që mundi Farka Volley në fushën e këtij të fundit (25-19, 25-22, 25-15).
Nuk ka zhgënjyer në këtë javë të parë skuadra e Erzenit, që mposhti 3-1 Skënderbeun. Tamkimi nisi mirë për miqtë nga Korça, që fituan 25-21 setin e parë. Më tej shijakasit morën frenat e lojës në dorë, duke fituar tri setet e tjera (25-16, 25-19, 25-18).
Me fitore e ka nisur këtë kampionat edhe Vllaznia, që në fushën e saj fitoi me 3-0 ndaj Elbasanit (25-21, 2-25, 25-22), ndeshje që dhuroi rivalitet në të trija setet.
Volejboll – Meshkuj, java e parë
Vllaznia Elbasani, 3-0
Farka Volley – Studenti, 0-3
Erzeni – Skënderbeu, 3-1
Teuta – Partizani, 0-3
Tirana (pushim)
