Ish-Kryeministri Sali Berisha do të jetë pasditen e sotme në Shkodër, atje ku në Pallatin e Kulturës, do të zhvillojë takimin e rradhës me anëtarët e Partisë Demokratike, në një tur takimesh që e ka pagëzuar me emrin “Foltorja”.
Ky ështv takimi i pestë rradhazi i ish-Kryeministrit nga 16 shtatori, ditë kur nisi takimet me anëtarësinë e demokratëve në Tiranë.
Berisha ka zhvilluar takimet me demokratët e Tiranës, në Fier, Vlorë dhe Durrës, ndërsa pasditen e sotme do të jetë në Shkodër. Ndërkohë javën e ardhshme pritet që ish-Kryeministri të jetë në Korçë.
Takimet janë në funksion të thirrjes së Kuvendit Kombëtar të PD, ndërsa Berisha ka hedhur akuza të forta në drejtim të kreut demokrat Lulzim Basha, të cilin e trajton si një ish-Kryetar të marrë peng nga Kryeministri Edi Rama.
Foto e mëposhtme tregon momentin kur ish-Kryeministri hipën në makinën e tij për t´u nisur drejt Shkodrës, ndërsa shihet se ai mban një maskë mbrojtëse anti-Covid.
