Tensionet dhe integrimi/ Presidentja e KE viziton vendet e Ballkanit Perëndimor, nesër në Tiranë

Etienne Ansotte/European Union

Presidentja e Komisionit Europian, Ursula von der Leyen, do ta nisë turin e saj Ballkanik me një vizitë në Shqipëri.

Sipas axhendës, ajo pritet të jetë nesër në Tiranë ku parashikohen një sërë takimesh. Më pas do të drejtohet për në Maqedoninë e Veriut.

Të Mërkurën, Von Der Leyen do të vizitojë Kosovën, ku sigurisht do të diskutohen tensionet e larta në veri. Po në të njëjtën ditë do të jetë dhe në Serbi, pala tjetër që nxit këto tensione.

LEXO EDHE  VIDEO/ Basha: Kuvendi jo strehë e të korruptuarve dhe përfaqësuesve të krimit

Një ndalesë do të bëjë të mërkurën edhe në Mal të Zi. Turin ballkanik, presidentja e Komisionit Europian, e përmbyll të Enjten në Bosnje dhe Hercegovinë.

Përpara vizitave, Von Der Leyen tha se Bashkimi Europian po fuqizon mbështetjen për Ballkanin Perëndimor me një plan të ri investimi dhe konomik me vlerë sa çereku i prodhimit të brendshëm bruto të rajonit.