Superiorja/ Laçi i rrëmben barazimin Kukësit në minutën e 95-të, Egnatia dhe Skënderbeu ndajnë pikët mes tensionit

Foto: FSHF.org

Është mbyllur në barazim 2-2 supersfida e zhvilluar në Kamzë mes Laccit dhe Kukësit, e vlefshme për javën e tretë të Kategorisë Superiore.

Një sfidë me të vërtetë dramatike, teksa kurbinasit iu falën golit të Zarubicës në minutën 90+5 për të mos dalë të humbur nga ky duel.

Në barazim ka përfunduar edhe sfida tjetër mes Egnatias dhe Skënderbeut. 1-1 përfundoi ndeshja  ku të dyja skuadrat ndanë një pikë mes rasteve të shumta dhe tensionit.

LEXO EDHE  Dortmund merr përkohësisht kreun e Bundesligës, Haaland rikthehet me gol

Ishte një ndeshje e fortë e luftuar nga të dyja skuadrat. Rrogozhinasit kaluan të parët në avantazh me anë të Kabral i cili realizoi një supergol. Por 2 minuta më vonë, Elvi Berisha barazoi shifrat duke përfituar nga një përgjumje në mbrojtje e Egnatias.

Pjesa e dytë u luajt mes rasteve të shumta, por vetëm kaq, të dyja skuadrat ndajnë një pikë mes tensioni ku nuk munguan dhe përplasje fizike.