Haradinaj pas takimit me Ramën: “Ballkani i hapur”, pas njohjes së pavarësisë së Kosovës nga Serbia

Pas takimit me Ramën, Haradinaj foli për gazetarët për të treguar se për çfarë kishte biseduar me kryeministrin e Shqipërisë.

“E falënderova për ardhjen në Kosovë, në një moment ku ka shumë zhvillime”, deklaroi ish-kryeministri i Kosovës, i cili dha shkurtimisht edhe mendimin e tij për iniciativën e Open Balkan, që përfshin Shqipërinë, Serbinë dhe Maqedoninë e Veriut.

LEXO EDHE  Mori “Benz-in” me qera, por ‘harroi’ ta kthejë, arrestohet

“Nuk patëm rast ta diskutojmë. Unë e mirëpres këtë iniciativë, por duhet të vij pas njohjes së Kosovës”, tha Haradinaj, i cili shtoi se me kryeministrin shqiptar ka diskutuar edhe për disa projekte infrastrukturore madhore, si hekurudha që mendohet të lidhë Shqipërinë me Kosovën.