Nga Boldnews.al
Shtator 2016, Damian Gjiknuri (Guruja i zgjedhjeve të Rilindjes), bën “tërmet artificial” me mbi shtatë ballë në shitblerjen e votave në zgjedhjet e parakohëshme lokale në Dibër. Batërdi e madhe në blerje, presione, përfshirjen e policisë, administratës dhe shumë ministrave që hargaliseshin në Dibër ku edhe paratë e drekës së fejesave paguheshin me votë për kandidatin e Partisë Socialiste.
Të gjithë menduan se me kaq e pati edhe tërmeti “artificial” i Rilindjes, por ata nuk hiqnin dorë për të pritur radhën e zgjedhjeve të tjera një vit më vonë. Megjithatë, frika mbetet në tërmetin real të 21 shtatorit 2019. Mbi 300 të lënduar dhe mijëra banesa u dëmtuan kryesisht në qarkun Tiranë, Durrës dhe Lezhë.
Koiçidencë e frikshme kur mendohet. Edhe 2019 ishte vit zgjedhor ku u zhvilluan votimet njëpartiake dhe të 61 bashkitë e vendit i mori Partia Socialiste, paçka se rrugës firuan ca sepse mbi dhjetë për qind e kandidatëve dolën trafikantë droge, grabitës dhe falsifikikatorë. 21 shtator 2021, e njëjta orë si dy vite më parë regjistrohet një tjetër tërmet në vendin tonë, por fatmirësisht me magnitudë më të ulët dhe pa dëme në njerëz dhe banesa.
Jemi po në vit elektoral. Shkaktuesi i “tërmeteve artificiale” Damiani i Rilindjes është me poste të larta, duke i besuar një nga qarqet më të mëdha të vendit siç është Elbasani. Po një tregues tjetër mbetet më i frikshëm pë rata që u besojnë teorive se diçka është e shkruar…
Më 21 shtator 2019 kryeministri Edi Rama ndodhej në Nju Jork në një viztitë pune dhe i pranishëm në mbledhjet e OKB-së. Dy vjet më vonë, po më 21 shtator të këtij viti Rama gjendet po në Nju Jork, ndërsa “Guruja i Rilindjes” është spostuar nga Dibra dhe Vlora drejt Elbasanit.
Tërmetit të vërtetë që vjen nga natyra si pasojë e lëvizjes së plllakave tektonike askush nuk ka çfarë ti bëjë. Askush nuk mund ta parashikojë, askush nuk mund të marrë masa shtesë, por “termetin artificial” të Rilindjes, që po ndodh në çdo palë zgjedhje janë mundësitë për ta frenuar, sidomos me in dal dorën diamantit të Ramës që bën “tërmet-tërmet” me vota të blera, shantazhuara dhe grabitura.
