Manjani thumbon Yuri Kim: Pse merresh vetëm me Berishën, apo se ka paditur Blinken

Ylli Manjani, ish-ministër i Drejtësisë, përmes një postimi në rrjetet sociale, ka thumbuar ambasadoren amerikane, Yuri Kim, lidhur me përqëndrimin e të gjitha baterive kundër ish-Kryeministrit Sali Berisha.

Manjani ngre pyetjen sepse Ambasada e SHBA në Tiranë nuk merret me “non gratat” e tjerë, ndërsa shton “padyshim që përgjigja është e dukshme: Berisha ka guxuar të hedhë gjyq Sekretarin Amerikan të Shtetit”.

“Sa për idenë se po luftohet korrupsioni, kjo pastaj është qesharake. Nongratat e tjerë kanë qenë e janë nën akuza direkte për dhënie e marrje tenderash e koncensionesh. Fakti që nuk ndihen i bën ata “burra të mirë”, ose “qinja të urtë””, shkruan Manjani.

Postimi nga Ylli Manjani

Pyetja që shtrohet është:

Përse Ambasada Amerikane ka përqendruar të gjitha bateritë e saj tek Berisha? Përse nuk merret “nongratat” e tjerë?!

Padyshim që përgjigja është e dukshme:

Berisha ka guxuar të hedhë gjyq Sekretarin Amerikan të Shtetit.

Në fakt e drejta për të apeluar gjyqsisht çdo vendim administrativ është e përbotshme. Është universale. Berisha ka vendosur ta ushtrojë këtë të drejtë. Mendoj se është krejt legjitim.

Kjo nuk pëlqehet nga zoti Blinken dhe adninistrada e tij. Ndaj ato reagojnë. Zonja Kim është përgjegjëse për stilin tërësisht partizan që përdor, por nuk ka dyshim që shefat e saj, duan që Berisha të tërhiqet nga gjyqi. Ndaj dhe i bëjnë presion.

LEXO EDHE  Doris Pack: Basha gaboi me përjashtimin e Berishës, Kim mori një rol politik

Sa për idenë se po luftohet korrupsioni, kjo pastaj është qesharake. Nongratat e tjerë kanë qenë e janë nën akuza direkte për dhënie e marrje tenderash e koncensionesh. Fakti që nuk ndihen i bën ata “burra të mirë”, ose “qinja të urtë”.

Dhe “qingjat” vazhdojnë të bëjnë biznes privat me tendera e koncensione.. Ambasada nuk merret me ta!😉

Berisha merret me gjyqe, politikë e demokraci… Bën dhe opozitë ndaj Ramës e Sorosit… “I rrezikshëm”!!

Pra bëj para me pasurinë publike sa të fryhesh e stë thotë kush gjë. Po u more me politike je “i korruptuar”!
Luftë kundër korrupsionit, jo shaka!!!

Në këtë moment hyjnë në lojë amerikanllëqet shqiptare. “U bë Berisha të hedhë në gjyq Amerikën”!! “Berisha është më i korruptuar se cdo tenderxhi..” etj, etj…

Amerikanllëqet shqiptare i japin të drejtë vetes të shajnë e shpifin se ndjehen amerikanë. Më amerikanë se amerikanët madje.