Nga Artan Fuga
Përndryshe hajde mbulojmë kokën me jorgan dhe jemi të lirë dhe të pavarur !!!
Përgjigje mikut të kësaj faqeje
Ndërkaq si vështirë të më tregosh mua si prokuror patriotizëm. Unë, po, njëmijë herë “po” jam që sistemi rrugor, autostrada, vija hekurudhore të vendit tim të hapen ndaj Evropës duke përfshirë edhe Serbinë. Si gjithë Evropa.
Mos doni të mbyllemi në kotece fshatrash? Rrini qosheve po deshët me gjoja patriotizmin tuaj që ju lë vrimave nga frika e përballjes me botën e sotme. Poqese jemi të prapambetur izolimi nuk është zgjidhja.
Mbylluni edhe me Maqedoninë, edhe me Greqinë, edhe me dreqin e të birin. Ky nuk është patriotizëm, është izolim i Shqipërisë dhe lënie e saj mbrapa duke e shkatërruar.
Poooooooor, tjetër është infrastruktura, tregtia, dhe tjetër minishengeni ballkanik që unë e kam denoncuar, dhe sa për Ballkanin e hapur nëse është i hapur gradualisht për shkëmbime kulturore, mallra, njerëz, turistë, pooooooo, jam, nëse është që përjashtohet Kosova, ose bëhet në dëm të Shqipërisë nuk jam.
Por për këtë duhet parë hap pas hapi, rast pas rasti, për çfarë marrëveshjesh jam dhe për çfarë nuk jam. Dogmatizimi është ndryshkja e arsyes në ca rregulla krejt të mjera!
Ndryshe mbulojmë kokën me batanije, marrim frymë në pantallonat ose fustanet tona dhe jemi të lirë dhe të pavarur ! Qofsh me shëndet, faleminderit që je këtu!
