Dy ditë pas arrestimit, ish-drejtoresha e spitalit të Dibrës, Irini Shehu, është liruar nga qelia.
Gjykata ndaj Shehut caktoi, masën “arrest shtëpie’.
Irini Shehu u arrestua me 23 prill, pasi ishte vënë nën hetim për përndjekje të punonjësve. Ajo po ashtu u shkarkua nga detyra pasi goditi me një mjet të fortë shefin e financës, Shaban Uklala.
Edhe pas shkarkimit nga posti i drejtoreshës së Spitalit Rajonal të Dibrës, Shehu ka vijuar të kërcënojë dhe ngacmojë ish vartësit e saj.
Vetë Shehu e cilësoi arrestimin si të padrejtë dhe të pabazuar në prova konkrete.
