Daja nuk e bën dramë barazimin: Partizani po vjen në rritje, nga ky lojtar pres më shumë

Trajneri Daja nuk e cilësoi fundin e botës barazimin me Vllazninë duke vlerësuar lojën e skuadrës së tij ndaj shkodranëve.

1 minutë më parë kishim një situatë para portës që mund të kalonim në avantazh, ishte një gabim i lojtarit të Vllaznisë. Kemi qenë mbi Vllazninë në të gjitha aspektet, më pëlqen se kemi vrapuar shumë. Duhet të rregullojmë disa gjëra të tjera në manovër.

Gabimet- Është evidente fakti që kur kemi forca të shumta afër topit, dorëzojmë edhe pasimin më të thjeshtë. Na kushton energji, dhe ndërtimin e sulmit nga poshtë. Mundesh ta dorëzosh topin, por jo në gjendje kur je pa presion. Ajo që më pëlqen është se lojtarët kanë mentalitet fituesi dhe lojtarët e kanë treguar pavarësisht rezultatit.

Kur do të fitojë Partizani? Derbi është shumë larg, kemi një derbi me Dinamo këtë javë. Na bën entuziast fakti që ekipi ka një kondicion të mirë, dhe po përmirësohen. Kemi një grup lojtarësh të ri, që një pjesë janë nën 21 vjeç, do të evidentoja Rrapajn. Partizani ka dhe një grup që mund të mendoje më tej ku me mbështetjen e lojtarëve me eksperiencë do të rriten.

LEXO EDHE  Probleme në prapavijë tek Vllaznia, Brdaric vuan mungesën e dy titullarëve

Reparti i sulmit– Unë jam i kënaqur me repartin e sulmit, me pjesën e Zhuniorit që jo vetëm na ndihmon në sulm, por dhe Cara po rritet nga ndeshja në ndeshje, ka fituar dy penallti në dy javë. Dhe vjet shënonte e jepte asiste, pres më shumë nga Kardozo, por minutat që kishte Filipoviç në dispozicion ishin për arsye shëndetësore si pasojë e një gjendje virusale.

Problemet në mbrojtje- Nuk kemi akoma një mbrojtje të konsoliduar, sepse po të shikohet me situatat që krijohen nga ekipet kundërshtaret ne pësojmë gol. Zhuniori na duhet pasi atë lloj manovre në fazën e mbrojtjes dhe në nuk duhet të pësojmë gol, në qoftë se nuk do të pësonim ato gola do të kishim më shumë pikë.