FOTO/ Tanke dhe mjete të rënda ushtarake serbe drejt kufirit me Kosovën, ja çfarë po ndodh

Pasditen e sotme, mediat serbe të afërta me kryeministrin Vuçiç kanë publikuar pamje të artilerisë së rëndë ushtarake që siç thuhet janë nisur drejt Jarinjës.

Tanke të pajisura me optikë luftarake, kamionë ushtarakë dhe mjete të tjera janë parë në Rashkë që siç thuhet në mediat serbe, destinacion e kanë Jarinjën.

Ky provokim nuk është i pari nga pala serbe.

Helikopterët ushtarakë mbrëmë kanë kaluar territorin e Kosovës në Jarinjë. Gjatë ditës së sotme dy aeroplanë ushtarakë po ashtu janë parë në afërsi të hapësirës ajrore në Jarinjë duke bërë manovra. Paraqitja e aeroplanit ngjalli duartrokitje nga të serbët e grumbulluar, të cilët bërtitën “Serbia, Serbia”, raportoi RTS.

LEXO EDHE  Vaksina me detyrim/ Paralajmërimi i Goxhajt: Do ua vrasim gjumin këtyre, do t’i bëjmë të zgjohen me frikën se prindërit shqiptarë…

Që nga e enjtja, tre helikopterë të Ushtrisë Serbe MI-35 do të jenë në krye të zonës ngjitur me vijën administrative në vendkalimin Jarinjë në anën e Serbisë qendrore, u konfirmua për Tanjug dje në Ministrinë e Mbrojtjes. Siç u tha, helikopterët u dërguan për qëllime parandaluese dhe po monitorojnë situatën e sigurisë në terren.