Ish-Kryeministri Sali Berisha ka vijuar edhe në “Foltoren” e mbajtur në Vlorë me akuza ndaj kreut të Partisë Demokratike, Lulzim Basha.
Berisha tha se Basha nuk udhëtonte dot në SHBA, derisa përjashtoi vetë atë nga Grupi Parlamentar i PD-së.
Ndërkohë Berisha u është përgjigjur deklaratave të Bashës ku ky i fundit tha se nuk do të lejojë mbledhjen e asnjë kongresi antiamerikan.
Sipas Berishës asnjë deklaratë e Bashës nuk do ta lëkundë në betejën që ka nisur.
“Një prej kongresmenëve amerikanë ka pohuar tha se vendimi i DASH vinte nga hiçi, pasi kemi bërë hetim dhe s’kemi gjetur asnjë fakt për korrupsionin e Berishës.
Nuk lëkundemi nga deklaratat që bën peng-Basha, i cili thotë se nuk do lejojë mbledhjen e Kongresit antiamerikan.
Basha nuk shkonte dot deri dje në SHBA derisa u mor peng nga Edi Rama”, tha Berisha.
