Vendimi për dosjen ndaj Mediut, avokati i familjarëve që u prekën nga Gërdeci: Një hap pozitiv

Avokati i familjarëve që u prekën nga tragjedia e Gërdecit, Dorian Matilija e ka cilësuar si pozitive vendimin e Apelit të Gjyaktës së Posaçme për dosjen në ngarkim të Fatmir Mediut.

Ai pranoi se kjo është një fazë e parë dhe do të ketë shumë komplikacione deri në rezultatin e kërkuar prej familjarëve.

“Nuk është hapur rigjykimi, por gjykimi, është hequr pengesa për tu hapur gjykimi. Më në fund kjo pengesë është hequr dhe jemi në kushtet që seanca do të nisë. Çështja është e komplikuar. Jemi ende në fillim, është lajm i mirë që është hequr një pengesë absurde juridike. Të gjitha argumentet e dhënë nga shkalla e parë kanë qenë të gabuara. Gjykata e shkallës së parë kishte mendimin që ajo çështje quhet e mbyllur. Por një çështje është ose quhet e mbyllur kur jepet një dënim ose mos dënim”, tha Matilija.

LEXO EDHE  Emrat/ Ja drejtuesit e rinj të komanduar në Policinë e Korçës

Lexo edhe:

Gërdeci/ Apeli i Gjykatës së Posaçme kthen për rihetim dosjen ndaj Fatmir Mediut