Në Kabul është mbyllur Muzeu Kombëtar dhe koleksioni i Baktrianit është zhdukur. “Nuk mund t’ju them saktësisht se ku është apo të bëj ndonjë koment. Është një temë e ndjeshme“, tha Mohammad Fahim Rahimi, drejtor i Muzeut Kombëtar të Afganistanit.
Aty ku është thesari i Baktrianit, një nga pesë koleksionet më të rëndësishme të arit në botë (me rreth 22,000 copë ) mbetet ende mister. Disa thonë se është i fshehur jashtë shtetit, disa të tjerë që tashmë është në duart e talebanëve, ndërsa të tjerë shprehen se është ndarë dhe vendosur në vende të ndryshme.
Gjëja e vetme që dihet me siguri është se thesari ka një verë të paçmueshme. Ai mund të jetë “joshës” për shumë trafikantë dhe se mund të jetë një mundësi e mirë për një qeveri që ka nevojë për para.
Thesari, i cili daton që nga koha e Aleksandrit të Madh, u mendua fillimisht i humbur gjatë qeverisjes së mëparshme talebane në 2003-shin, por më pas u gjet i mbyllur në Bankën Qendrore të Kabulit. Presidenti i atëhershëm afgan, Hamid Karzai nxorri një dekret për hapjen e kasafortës gjigante që nxori në dritë mes të tjerash gjerdanë, medaljonë, kurora të rralla.
Gjatë ekspozimit të thesarit deri në vitin 2020 u mblodhën 4.5 milionë dollarë.
Burimi: Repubblica.it
