Raporti i fundit 6-mujor i antimafias italiane evidenton rrezikshmërinë e grupeve kriminale shqiptare në trafikun e drogës, prostitucion dhe kryerjen e krimeve të tjera, shpesh me përdorimin e armëve të zjarrit.
Sipas raportit, grupet shqiptare veprojnë ose si të përfshirë brenda atyre shumëetnike, ose si grupe të mirëfillta etnike.
“Kriminelët shqiptarë të pranishëm në pjesën më të madhe të territorit operojnë përmes niveleve të ndryshme. Disa veprojnë brenda grupeve të vogla, madje edhe atyre shumetnike, për kryerjen e krimeve.
Krimi transnacional përfaqëson një kërcënim real ndaj të cilit duhet të shfaqet një qasje globale dhe më e gjerë.
Grupet shqiptare merren me trafik droge, shfrytëzim prostitucioni dhe kryerje krimesh, shpesh edhe me përdorim të armëve të zjarrit”, evidetohet në raportin e anti-mafies.
